සිරකාරිය – Sirakariya

Description

වික්ටෝරියා හෝල්ට් විසින් රචිත The Captive කෘතිය 1989 වසරේදී ප‍්‍රකාශයට පත් වූවකි. ගොතික් සම්ප‍්‍රදායට අයත් නවකතාවක් වන මෙයත් වික්ටෝරියා හෝල්ට්ගේ අනෙකුත් කෘතින් සේ ම අබිරහසක් වටා ගෙතී ඇත. අබිරහස විසඳීමට යන ගමනේදී පාඨකයාව ලන්ඩන් නුවර සිට තුර්කියටත්, එතැන් සිටි එංගලන්තයේ කෝන්වෝල් ප‍්‍රදේශයටත් රැුගෙන යෑමට කතුවරිය සමත් වෙයි.
මෙම අන්දරයෙහි ප‍්‍රධාන භූමිකාව දරන්නේ රොසෙටා ක‍්‍රැන්ලී ය. සුන්දර යුවතියක් වෙන ඇය, තම මුළු ජීවිතයම පුරාතන ඊජිප්තුව සහ එහි රූපාක්‍ෂර වෙනුවෙන් කැප කළ මහාචාර්යවරයකුගේ සහ ඔහුගේ බිරිඳගේ දියණියයි. රොසෙටා මෙම යුවල බලාපොරොත්තු නොවූ දරුවෙකි. තම වැඩ කටයුතුවලට ඉහළම වැදගත්කමක් ලබා දෙන ක‍්‍රැන්ලී යුවල දියණිය කෙරෙහි එතරම් අවධානයක් යොමු නොකරති. එනිසා රොසෙටාගේ ළමා කාලය ගත වන්නේ නිවෙසේ සේවකයන් සමගයි. ඔවුහු ඇයට බොහෝ ආදරය කරනවා සේම ඇයව දැඩිව ආරක්‍ෂා කරති.
රොසෙටා වයසින් මුහුකුරා යත්ම ඇය සහ ඇගේ දෙමාපියන් අතර ඇති සබඳකම නව මුහුණුවරක් ලබයි. එහි ප‍්‍රතිඵලයක් ලෙසින් දෙමාපියන්ගේ ලොවට පා තබන ඇයට එහිදී ලූකස් ලොරිමර් හමු වෙයි. එමෙන්ම පසු කාලයකදී, අහඹුවකින්, ජෝන් ප්ලේයර් නමැති ගුප්ත තැනැත්තෙක්ද රොසෙටාගේ ජීවිතයට පිවිසෙයි. මෙම මිනිසුන් දෙදෙනා සහ රොසෙටා අතර ඇති වෙන බැඳීම, ඔවුන් මුහුණ දෙන අදහා ගත නොහැකි තරම් භයානක අත්දැකීම් මෙම කතාව ඔබට කියයි. ජෝන්ගේ ජීවිතයට සම්බන්ධ වෙන අබිරහසක් විසඳීමට රොසෙටා තීරණය කිරීමත් සමග ඇගේ ජීවිතය බොහෝ අවදානම් තත්ත්වයකට පත් වෙයි. ඇගේ එම මෙහෙයුම සාර්ථක වන්නේද? ජෝන් පිළිබඳ සත්‍යය කුමක්ද? ලූකස් ඇයට උදවු කරන්නේද?